Ish-Sekretari i Përgjithshëm i Ministrisë së Integrimit Evropian, Kushtrim Cukaj i ka reaguar Haki Aabazit, ish-zëvendëskryeministër në Qeverinë Kurti1, i cili në emisionin “Këndi i Debatit” në Tëvë1, duke folur për shkarkimet që janë bërë në nivele të larta për shkak të keqpërdorimeve, ka përmendur edhe emrin e Cukajt.
Në një reagim që Cukaj ka dërguar në redaksinë e Tëvë1, ka thënë se vendimin për largimin e tij nga puna e ka dërguar në gjykatë ku edhe e ka fituar rastin.
Ai poashtu ka treguar se edhe padia e ngritur ndaj tij, siç ka thënë ai si shkak i veprimeve të kundërligjshme të Qeverisë është mbyllë dhe ai është shpall i pafajshëm.
“Në vitin 2020 kur është formuar qeveria e parë e VV-së, më kanë ngritur komisionin disiplinor për angazhimet e mija në MIE-ne. Kryetare i këtij komisioni ka qen z.Abazi. E tërë puna e tij dhe e komisionit ka qen jo ligjore dhe e bazuar në shpifje. Vendimin e tyre për largim nga pozita e kam dërgua në gjykatë dhe e kam fituar rastin dhe jam kthyer në punë. Z.Abazi dhe anëtarët tjerë të atij komisioni së bashku me ish ministrin e MIE-ne z. Reka tani përfaqësues diplomatik në SHBA kan kallxim penal përkatësisht padi të ngritur për shkeljet dhe shpifjet e tyre. Po ashtu si pasoj e veprimeve të kundërligjshme të tyre mua më është ngritur padi në gjykatë nga Prokuroria Speciale e Kosovës. Rasti është mbyllur përfundimisht në të dy nivelet e vendimmarrjes dhe jemi shpall ashtu si kem qen të pafajshëm dhe të pastër për punën dhe angazhimin tonë”, thuhet në reagim e Cukaj.
Abazi ka thënë se Kushtrim Cukaj është shkarkuar për financimin e kontratave për ndarjen e Kosovës.
Deklarimi i Abazit
