Një publikim mbi jetëgjatësinë në Kosovë, nga ministri i Financave Hekuran Murati në qershor të këtij viti pati ngjall reagime të shumta.
Të dhënat e grumbulluara nga Banka Botërore për jetëgjatësinë mesatare në vendet e Ballkanit, përfshirë edhe Kosovën, u patën kontestuar nga deputetja e LDK-së, Hikmete Bajrami, madje ajo e pat cilësuar ministrin Murati si mashtrues.
Por të njëjtat shifra u publikuan edhe nga mediumi i famshëm turk, TRT, i cili për jetëgjatësinë mesatare, Kosovën e radhitë në vendin e dytë, pas Sllovenisë.
E për krejt këto ka reaguar deputeti i LVV-së, Artan Abrashi.
“Kur ministri publikoi këto shifra pati shumë reagime nga opozita e analistë, e cilësuan si propagandë. Ndërkaq, sot këto të dhëna i publikon edhe një medium prestigjioz bazuar në Bankën Botërore, Eurostat e ASK. Se për Huqmeten mos të flasim, ajo është nëna e huqjes. Çka me bo me të tilla reagime tash?!”, ka shkruar Abrashi në llogarinë e tij në Facebook.
