Një person ka mbetur i plagosur mbrëmjen e sotme në Prishtinë, si pasojë e gjuajtjeve me armë zjarri.
Tëvë1 mëson se përleshja me armë ka ndodhur me dy grupeve.
Ndërkohë, në vendin e ngjarjes janë duke qëndruar njësitë policore.
I lënduari është dërguar me autoambulancë për trajtim mjekësor.
Ndërkaq, lidhur me rastin është arrestuar një person.
Zëdhënësja e policisë për rajonin e Prishtinës, Flora Ahmeti ka thënë se hetuesit policor në koordinim me prokurorinë, po ndërmarrin veprimet hetimore.
“Sot rreth orës 22:40, kemi marrë informatën për gjuajtje me armë zjarri të ndodhur në rrugën ‘Maliq Pashë Gjinovci’ në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare, në këtë rast nga arma e zjarrit është lënduar një person. Hetuesit policor në koordinim me prokurorinë, po ndërmarrin veprimet hetimore, deri tani është arrestuar një person i dyshuar”, tha Ahmeti./teve1.info/
