Policia e Kosovës e ka arrestuar një burrë në Prizren për shkak të dhënies së ryshfetit me qëllimin që të mos raportohej për prerje të kundërligjshme të druve.
Vet mbikëqyrësi në Parkun Nacional në Dragash ka raportuar tek autoritetet se i dyshuari i ka ofruar dy herë nga 20 euro në këmbim të mosprocedimit të rastit.
I dyshuari është dërguar në mbajtje me vendim të prokurorit, pas intervistimit.
“Më 07.10.2026 është arrestuar i dyshuari mashkull kosovar, nën dyshimin se i njëjti me datën e cekur i kishte ofruar ryshfet në shumën prej 2x nga 20 € ndaras, ankuesit mashkull kosovar-mbikëqyrës në Parkun Nacional në Dragash, në këmbim të mos procedimit të rastit për shkak se i njëjti me datën e cekur kishte prerë dru kundërligjshëm brenda zonës së parkut”, thuhet në raportin e PK-së.
