Ministria e Arsimit, Shkencës, Teknologjisë dhe Inovacionit ka njoftuar prindërit se janë ekzekutuar pagesat e para për subvencionimin e teksteve shkollore.
Në njoftimin e MASHTI-t thuhet se janë ekzekutuar mbi 80 mijë pagesa, ndërsa po vazhdohet me transferet e tjera.
Po ashtu është bërë e ditur se deri më tani kanë aplikuar gjithsej 151 mijë prindër.
“Asnjë nxënës nuk do të mbetet pa tekste shkollore ndërsa çdo rast i adresuar do të trajtohet me prioritet dhe do të ofrohet ndihma e nevojshme për përfitim të këtyre mjeteve”, thuhet në njoftim.
Ndryshe, Ministria e Arsimit, Shkencës, Teknologjisë dhe Inovacionit (MASHTI) edhe këtë vit ka vendosur të vazhdojë me subvencionimin e teksteve shkollore për nxënësit e Kosovës.
Nagavci ka thënë se për nxënësit nga klasa e 1-5 vlera e subvencionimit do të jetë 80 euro, ndërsa për ata nga klasa 6-9 vlera do të jetë 110 euro. Ajo ka shtuar se sivjet janë 217 mijë e 696 nxënës nga klasa 1-5./teve1.info/
