Prokuroria Themelore në Prishtinë ka paraqitur kërkesë për caktimin e masës së paraburgimit ndaj të arrestuarit i cili dyshohet për mashtrim për ndërtim të vilave.
Lajmin për teve1.info e konfirmoi zëdhënësja e kësaj prokurorie, Laureta Ulaj.
“Iu njoftojmë se Prokuroria Themelore në Prishtinë ka paraqitur kërkesë për caktimin e masës së paraburgimit ndaj të pandehurit i cili dyshohet se ka mashtruar qytetarët për ndërtimin e vilave”, ka thënë Ulaj.
Sipas disa raportimeve, thuhet se nga dy klientë, njëri pagoi 13 mijë euro e tjetri 30 mijë për ndërtimin e këtyre vilave, por që të cilat nuk u ndërtuan asnjëherë.
