Edhe të martën, kryeministri Kurti ka marre kritika në lidhje me mbylljen e nëntë degëve të Postës së Serbisë në katër komunat veriore të vendit. Këtë hap, Amerika, BE-ja dhe Gjermania po e shohin si rrezik për tensione të reja derisa ministri i punëve të brendshme, Xhelal Sveçla ka thënë që mbyllja e obejtkeve ka qenë hap normal i institucioneve.
Një nga një, këta zyrtarë policorë të hënën i mbyllën nëntë degë të Postës së Serbisë në veri të Kosovës.
Vënia e drynit nga institucionet kosovare, bëri që të ngritet zëri nga ndërkombëtarët.
Shtetet e Bashkuara të Amerikës dhe Bashkimit Evropian e cilësuan këtë hap të njëanshëm dhe të mundshëm për shkaktim të tensioneve atje.
“Veprimet e pakoordinuara të Kosovës vënë në rrezik më të madh qytetarët kosovarë dhe ushtarët e KFOR-it, përshkallëzojnë pa qenë nevoja tensionet rajonale dhe minojnë reputacionin e Kosovës si një partner i besueshëm ndërkombëtar”, thuhet nga ambasada amerikane
Aksioni u kundërshtua edhe nga Bashkimi Evropian.
“Kjo është kundër dialogut, dhe një tjetër shembull i veprimeve të njëanshme e të pakoordinuara të administratës së Kurtit. Por, të gjitha çështjet që listuar, janë çështje ku Kosova ka probleme. Fakti që BE-ja vendosi masa kundër Kosovës vitin e kaluar, është reflektim i hapave që quan në eskalim. Tani po shohim më shumë hapa të njëanshëm, veprime të pakoordinuara. Kjo nuk është në fakt shtensionim, kjo çon në tensione të reja. Dhe kjo duhet të kuptohet mirë nga ata që marrin vendime në Prishtinë”, tha zëdhënsi Peter Stano.
Këtë veprim të qeverisë së Kosovës e ka dënuar edhe Ambasada e Gjermanisë në Kosovë.
“Hapat e njëanshëm dhe të pakoordinuar jo vetëm që bien ndesh me marrëveshjet e dialogut, por – edhe më keq – rrezikojnë që aplikimi i Kosovës për anëtarësim në BE të mbetet në ‘inbox’. BE-ja lulëzon duke marrë me vete të gjithë anëtarët dhe komunitetet e tyre dhe ne kemi nevojë për të njëjtën qasje në nivel kombëtar”, u shpreh Rohde.
E pavarësisht të gjithë reagimeve, të martën veriun e vizitoi ministri i Punëve të Brendshme të Kosovës, Xhelal Sveçla.
Ai theksoj që mbyllja e objekteve të postës së Serbisë është hap i drejtë.
“Çfarë janë duke bërë institucionet e Kosovës është shumë normale. Ato nuk kanë pasur licencë”, tha Sveçla.
Nga ana tjetër, njohësi i politikës, Blerim Canaj thotë se e gjithë kjo nga kryeministri Kurti po bëhet për një grusht vota.
Për këtë mbyllje të objekteve të postave serbe kanë reaguar edhe përfaqësuesit e Serbisë duke e quajt një lëvizje të re nga ana e Qeverisë Kurti drejt tensioneve të reja në pjesën veriore të Kosovës.
