Ekzekutivi kishte kohë deri këtë të enjte në ora 16:00 të kthente një përgjigje. Por nga ekzekutivi, nuk iu dha asnjë mendim PDK-së e cila ishte edhe iniciatorja e këtij projektligji.
E këtë vonesë po e sheh si të paarsyeshme, deputeti i kësaj partie, Bekim Haxhiu.
Por pavarësisht kësaj PDK shprehet e bindur se qytetarët do të kenë mundësi të tërheqin këto mjetet.
“E para Qeveria nuk ka pas nevoje që të vonoj kaq shumë përgjigjën sa përket projektligji, do të duhet të procedonte më shpejt në Kuvend”, tha Haxhiu.
Nga KDI tregojnë procedurat se si mund të ndodh një gjë e tillë.
“Edhe pa mendimin e Qeverisë kryesia është e detyruar që ta votojë një procedurë … dhe tash fillon e njëjta procedurë sikurse çdo projektligj tjetër”, ka thwnw Agnesa Haxhiu nga KDI.
Të nevojshme tërheqjen e kursimeve pensionale e sheh edhe njohësi i ekonomisë, Mustafë Kadrijaj.
“Në këtë kohë në të cilën po kalojmë mendoj që është mese e nevojshme pasi që nuk jemi në gjendje normale me rritje të çmimeve vlerësoj që është nevojshme pasi që kemi krizë ekonomike, ata që janë në gjendje më të rëndë ekonomike të tërheqin 30%”, tha ai
Nga ekzekutivi janë shprehur kundër tërheqjes së këtyre mjeteve me arsyetimin se nuk është zgjidhje.
Kronika e realizuar nga Doresa Geci
