Njëri nga tre të plagosurit mbrëmë në Pejë është pjesëtari i Forcës së Sigurisë së Kosovës.
Kështu kanë bërë të ditur për tëvë1.info, zëdhënësi për media i FSK-së, Vellazerim Qerimi.
Ndryshe Prokuroria ka njoftuar se ka arrestuar, Agron Gashi, të dyshuarin për plagosjen e trefisht në Pejë.
Lajmin për teve1.info e konfirmoi prokurori i rastit Ersan Qavolli.
Personi i dyshuar pas intervistimit nga Hetuesit e Sektorit Rajonal, me urdhër tё Prokurorit tё shtetit është ndaluar pёr 48- orё pёr veprën penale “Vrasje e rënd nё tentativё”.
Kurse, specialisti i Anesteziologjisë me Mjekim Intensiv, Abdullah Hajdari, tha se gjendja e njërit nga të plagosurit në Pejë është shumë e rëndë.
Për Tëvë1, Hajdari tha se pacienti që është në mjekim intensiv ka lëndime në regjionin e këmbës së majtë dhe regjionin e barkut të cilat ia rrezikojnë jetën.
Një nga të plagosurit në Pejë në gjendje shumë të rëndë-flasin nga QKUK
