Kryetari i Komunës së Fushë-Kosovës, Burim Berisha, ka nënshkruar marrëveshje me zëvendësministrin e Mjedisit dhe Planifikimit Hapësinor, Hysen Durmishi, për ndërtimin e një rruge, raporton teve1.info
Sipas njoftimit në faqen zyrtare të Komunës në Facebook, marrëveshja kap vlerën e mbi 295 mijë eurove.
Ndërsa, projekti për rrugine quajtur “Gurët e Gjatë”, pritet të përfundoj brenda dy viteve.
“Nënshkruhet memorandum mirëkuptimi në mes të Ministrisë së Mjedisit Planifikimit Hapësinor dhe Infrastrukturës dhe Komunës së Fushë Kosovës . Sot Kryetari i komunës z.Burim Berisha dhe nënkryetari z.Besnik Osmani priti ne takim zv. Ministrin e MMPHI-së, z.Hysen Durmishi dhe nënshkruan memorandum mirëkuptimi për Rikonstruimin e rrugës “Gurët e Gjatë”, në vlerë prej 295,070€. Kjo rrugë parashikohet të përfundoj për dy vite. Në këtë takim u diskutua edhe për disa projekte tjera e që janë shumë me rëndësi për Komunën tonë”, thuhet në komunikatë.
