Qendra më e madhe e votimit është hapur në Komunën e Mitrovicës së Veriut.
Ekipi i Tëvë1 nga atje ka bërë të ditur se materiali zgjedhor ka qenë gati pak para orës 07:00 dhe gjithçka është gati për votim.
Ndërkohë, në orët e para të mëngjesit ende nuk ka lëvizje të madhe të qytetarëve, por në këtë qendër as edhe votues.
Sot gjatë ditës do të votohet për apo kundër largimit të katër kryetarëve shqiptarë në komunat veriore të Kosovës.
Ndërkohë, qendrat e votimit në Leposaviq ende nuk janë hapur. Ekipi i Tëvë1 nga atje ka bërë të ditur se kanë probleme me energji elektrike.
Sipas udhëzimit administrativ që mundëson largimin e kryetarëve të komunave, të miratuar shtatorin e vitit të kaluar, që ky votim të jetë i suksesshëm, duhet 50 për qind, plus një votë e qytetarëve me të drejtë vote./teve1.info/
