Granit Xhaka është shpallur kampion i Bundesligës për këtë edicion edhe pse deri në fund kanë mbetur edhe pesë ndeshje për t’u zhvilluar.
Bayer Leverkuseni, të dielën triumfoi 5:0 në shtëpi kundër Werder Bremenit në kuadër të xhiros së 29-të.
Me këtë fitore, Leverkuseni forcohet në krye të tabelës me 79 pikë, 16 më shumë se Bayern Muencheni që është i dyti.
Me triumfin ndaj Bremenit, Leverkuseni është konfirmuar kampion i Gjermanisë për këtë edicion.
Për Leverkusenin, ky është titulli i parë i kampionit, ndërsa me këtë sukses i ka dhënë fund dominimit të Bayernit që për 11-të vjet rresht ishte kampion i Gjermanisë.
Në fitoren 5:0 ndaj Bremenit, Xhaka kontribuoi me gol, të cilin e shënoi në minutën e 60-të. Për Xhakën, i cili iu bashkua vitin e shkuar Leverkusenit nga Arsenali, ky është goli i tij i dytë në Bundesligë.
Krahas titullit të kampionit, Leverkuseni është edhe në finale të Kupës së Gjermanisë dhe çerekfinale të Ligës së Konferencës.
