Sekretari amerikan i Shtetit Antony Blinken dhe sekretari i Mbrojtjes Lloyd Austin do të jenë në takimin e Presidentit Joe Biden me ekipin e tij të sigurisë kombëtare, thanë zyrtarët për CNN.
Kryetari i Shefave të Shtabit të Përbashkët Gjeneral CQ Brown do të jetë gjithashtu në takim, sipas një zyrtari tjetër të mbrojtjes të SHBA.
Biden ishte planifikuar të kalonte fundjavën në Delauer, mirëpo të shtunën pasdite është kthyer pas një njoftimi të shkurtër në Shtëpinë e Bardhë.
Biden ka thënë të premten se pret një sulm iranian ndaj Izraelit së shpejti, ndonëse e ka paralajmëruar Teheranin të mos veprojë ashtu.
Irani ka nisur mbrëmjen e sotme sulmin hakmarrës ndaj Izraelit duke lëshuar dhjetëra dronë kamikazë, të cilët raportohet se do të duan disa orë që të godasin objektivat.
Ishte Ministri i Mbrojtjes së Izraelit, i cili njoftoi nisjen e sulmit me avionë pa pilotë dhe u bëri thirrje qytetarëve të zbatojnë udhëzimet e komandës ushtarake.
Kryeministri izraelit Benjamin Netanyahu tha se sistemet e mbrojtjes së vendit janë vendosur dhe se forcat e armatosura të Izraelit janë gati.
“Kam vendosur një parim të qartë – kushdo që na lëndon, ne e lëndojmë atë. Ne do të mbrohemi nga çdo kërcënim dhe do ta bëjmë këtë me gjakftohtësi dhe vendosmëri,” tha ai.
BREAKING:
Israel launches strikes on southern Lebanon in response to Hezbollah strikes pic.twitter.com/okca3HYKGe
— Visegrád 24 (@visegrad24) April 13, 2024
