Krahas rezultateve të dobëta në kampionat, skuadra e Baselit ka marrë edhe një goditje tjetër të rëndë.
Bëhet fjalë për lëndimin e Benjamin Kolollit, i cili do t’i mungoj Baselit për disa javë ka njoftuar klubi zviceran të enjten. Kololli ka lënduar muskulin e këmbës së djathtë në ndeshjen e fundit kundër Zuerichut, në të cilën Baseli barazoi 2:2.
Mungesa e Kolollit do të jetë e madhe për Baselin, duke pasur parasysh se klubi po përballet me lëndime të shumta dhe aktualisht i ka 12-të lojtarë jashtë fushe.
31-vjeçari deri më tani ka shënuar 1 gol në 10 paraqitje kampionale për Baselin, ekip të cilit iu bashkua si lojtar i lirë në janar të këtij viti dhe firmosi kontratë deri në vitin 2025.
Aktualisht, Baseli është i 10-ti në Superligën zvicerane, ku pas 30 ndeshjeve të luajtura i ka tubuar 33 pikë.
