Kryeministri i Kosovës Albin Kurti dhe ministri i Kulturës, Hajrulla Çeku morën pjesë në hapjen e ekspozitës “Imazhet e përjetshme ulëritëse” nga fotografi Afrim Hajrullahu.
Kështu njoftoi Ministria e Kulturës përmes një njoftimi ku ndër tjerash thuhet se u shfaqën 99 imazhe fotografike nga ngjarjet historike të Kosovës në vitin 1999.
“Fotografitë që u ekspozuan në Termokiss në Prishtinë, hedhin dritë mbi sakrificën dhe guximin e popullit tonë. Nga dëbimi me dhunë deri tek kthimi me lirinë. Këto fotografi dëshmi do t’i dhurohen Institutit të Krimeve të Kryera Gjatë Luftës në Kosovë, që të mbesin në kujtesën tonë kolektive”, thuhet n ënjoftim.
Ekspozita “Imazhet e përjetshme ulëritëse” është përkrahur nga Ministria e Kulturës, Rinisë dhe Sportit.
