Duke folur për CNN, e para e shtetit tha se Rusia po mundohet të destabilizojë Ballkanin përmes Serbisë, satelitit të saj për një kohë të gjatë.
Osmani tha se paqja në Evropë është e pamundur pa përfshirjen e Ballkanit Perëndimor në Bashkimin Evropian.
Për më tepër, Osmani foli edhe për krimet serbe të kryera gjatë luftës në Kosovë, krimet në fshatin Poklek, ku tha se ka qenë së fundmi.
Po ashtu përmendi djegien e fëmijëve të gjallë në një shtëpi të fshatit në vitet e luftës.
Ajo gjithashtu ka thënë se presidenti i Serbisë Aleksandar Vuçiq ishte ministër i propagandës në kohën e kriminelit Sllobodan Millosheviq.
