Përmes një postimi në Twitter, ai tha se përkundër thirrjeve të BE-së për të siguruar një përzgjedhje të drejtë dhe transparente, KPK i ka shpërfillur ato.
“Me gjithë thirrjet e vazhdueshme të Bashkimit Evropian për të siguruar një përzgjedhje të drejtë, transparente dhe të bazuar në merita për Kryeprokuror të Shtetit, Këshilli Prokurorial i Kosovës e përmbylli procesin e përzgjedhjes duke shpërfillur këto parime. Të habitur dhe të zhgënjyer me veprimet e KPK-së”, shkroi ai.
Despite the EU's continued calls to ensure a fair, transparent and merit-based selection of Chief State Prosecutor, Kosovo Prosecutorial Council concluded the selection process disregarding these principles. Surprised & disappointed with the KPC’s actions.
— Ambassador Tomáš Szunyog (@EUAmbKS) April 6, 2022
Ndryshe, edhe tri organizatat jo qeveritare – Instituti i Kosovës për Drejtësi, Grupi për Studime Juridike dhe Politike (GLPS) dhe Lëvizja FOL kanë vlerësuar se propozimi i Këshillit Prokurorial për emërimin e Blerim Isufajt si kryeprokuror i shtetit është i papranueshëm.
Përmes një komunikate të përbashkët, OJQ-të u shprehën se KPK ka dështuar që gjatë procesit të intervistimit të kandidatëve për këtë pozitë, të sqarojë dhe sigurojë se kandidati ka integritet të pakontestuar dhe që i përshtatet kësaj pozite./teve1.info/
