Tre persona janë vrarë dhe disa janë plagosur pasi dy persona të armatosur hapën zjarr në një stacion autobusi në periferi të Jerusalemit, tha policia izraelite.
Siç raporton Al Jazeera u vranë edhe sulmuesit.
Policia tha se 16 persona u plagosën në të shtënat e mëngjesit të së enjtes. Shërbimet e urgjencës evakuuan tetë nga viktimat më të plagosura në spitalet aty pranë, tha shërbimi i ambulancës izraelite.
” Personat e armatosur “arritën në vendngjarje me një automjet të armatosur me armë zjarri”, duke përfshirë një M16 dhe një pistoletë, dhe hapën zjarr drejt një turme civilësh në stacionin e autobusëve”.
Sulmuesit, banorë të Jeruzalemit Lindor, “më pas u neutralizuan nga forcat e sigurisë dhe një civil aty pranë”, tha policia.
Municion dhe armë u gjetën brenda makinës së tyre, shtuan ata.
Incidenti ndodhi pikërisht në kohën kur Izraeli dhe Hamasi ranë dakord të zgjasin armëpushimin për të shtatën ditë, pak para se të skadonte marrëveshja.
