Mbi 73 mijë qytetarë kanë aplikuar për pajisje me viza në tre muajt e fundit të këtij viti. E interesimi i të rinjve për ta lëshuar vendin pas 1 janarit 2024 është rritur. Madje edhe nëpër agjenci turistike thonë se ka pyetje të shumta rreth udhëtimeve në Zvicër dhe Gjermani.
Heqjen e vizave po e sheh një shpresë për një jetë më të mirë.
Edi Haxhiu, me padurim po e pret janarin e vitit 2024.
18 vjeçari i cili ka aplikuar për pasaportë synim e ka Gjermaninë ku po planifikon edhe të punësohet atje.
Në pritje të pasaportës është edhe shoku i tij, Detjon Aliu, i cili vjen nga Podujeva.
E për tre muaj më shumë se 73 mijë qytetarë kanë aplikuar për t’u pajisur me pasaportë.
Por nga Ministria e Punëve të Brendshme thonë se nuk ka ndonjë rritje të theksuar të qytetarëve të interesuar për t’u pajisur më këtë dokument.
Gjatë tremujorit gusht, shtator dhe tetor kanë aplikuar kështu: Gusht -29956 pasaporta; Shtator-18163 pasaporta; Tetor-25126 pasaporta. Krahasuar me vitet e kaluara nuk ka ndonjë rritje të theksuar të interesimit të qytetarëve për tu pajisur me pasaportë, dhe mund të themi se është ngjashëm si në vitet paraprake.
Madje nga ky dikaster kanë thënë ka material të mjaftueshëm që t’i plotësojnë të gjitha kërkesat e qytetarëve për furnizim me pasaporta.
E lajmi për heqjen e vizave ka rritur interesimin e qytetarëve për të udhëtuar përmes agjencive turistike.
Liberalizimi i vizave mundëson kosovarëve udhëtime pa viza vetëm deri në 90 ditë – brenda gjashtë muajsh – në cilindo nga shtetet anëtare të Zonës Schengen.
