Gara më e madhe evropiane për klube Liga e Kampionëve rikthehet në aksion pas një pauze prej 20 ditësh për shkak të ndeshjeve ndërkombëtare.
Ditën e sotme (e marte) në program janë për tu zhvilluar tetë ndeshje në katër grupet e para A,B,C dhe D.
Galatasaray para tifozëve të vet pret Bayern Munichun me fillim nga ora 18:45 në një ndeshje që pritet të jetë e zjarrtë dhe luftë për vendin e parë.
Në Grupin A takohen edhe Manchester United që kërkon pikët e para përballë Copenhages.
Ndeshje tejet interesante do të zhvillohet në Spanjë në kuadër të Grupit B me Sevillën që është nikoqir i Arsenalit, derisa Lens përballet para tifozëve të vet me PSV.
Real Madridi ka udhëtuar drejt Portugalisë për tu takuar me Bragën, derisa Napoli i Amir Rrahmanit luan në Gjermani kundër Union Berlin.
Duel tejet i fortë pritet të zhvilluar edhe në Giuseppe Meazza në kuadër të Grupit D me Interin që është nikoqir i RB Salzburg me fillim nga ora 18:45.
E në këtë grup nga ora 21:00, Benfica synon pikët e para përballë Real Sociedad.
