Siç njofton policia, ngjarja ka ndodhur rreth orës 02:40 të natës, teksa një person ka mbetur i plagosur, ku më pas është dërguar për mjekim në QKUK.
Katër persona kanë mbetur të arrestuar, si të dyshuar për këtë ngjarje.
Njoftimi i plotë i Policisë:
VRASJE NË TENTATIVË
Prishtinë, 31.03.2022 – 02:40. Janë arrestuar katër të dyshuar meshkuj kosovarë pasi të njëjtit dyshohet se janë përfshirë në një rrahje me viktimën mashkull kosovar. Viktima është goditur me thikë dhe ka pësuar lëndime trupore, i njëjti është dërguar për tretman mjekësor në QKUK dhe pas marrjes së tretmanit të nevojshëm është liruar. Me vendim të prokurorit të dyshuarit janë dërguar në mbajtje.
