Prokuroria Speciale e Kosovës e ka shënjestruar një rast të ri të veprës penale ku ka arrestuar dhe i ka caktuar masën e paraburgimit tre të dyshuarve, raporton teve1.info
Sipas një komunikate për medie të Prokurorisë, në kuadër të hetimeve janë sekuestruar dhe konfiskuar 20 milionë Euro pasuri e paluajtshme, armatim të llojit të ndryshëm dhe rreth 30 vetura.
“Kryeprokurori i Prokurorisë Speciale të Republikës së Kosovës (PSRK), Blerim Isufaj, ka mbajtur sot takimin e radhës me ekipin e përbashkët për përzgjedhjen dhe shenjëstrimin e krimeve të rënda, ku kanë shënjestruar një (1) rast të ri.
Prokuroria Speciale njofton se rasti është shënjestruar për “Shpëlarja e parave”, si dhe vepra të tjera penale.
Gjithashtu, ju njoftojmë se në kuadër të hetimeve janë sekuestruar dhe konfiskuar sasi e madhe e armatimit të llojit të ndryshëm, rreth tridhjetë (30) vetura, si dhe pasuri të paluajtshme rreth njëzet milion (20.000.000) euro.
Në ketë rast për momentin janë të ndaluar tre (3) persona dhe të njëjtit sipas vendimit të gjykatës janë nën masën e paraburgimit.