Menar (Fisnik) Maxhuni, nga fshati Maxhunaj i Vushtrrisë, fëmija i vetëm i familjes – 5 vjeçar, është diagnostifikuar me Leucemi Acute Lymphoblastica Relaps, tash e sa kohë i hospitalizuar në Kliniken e Pediatrisë, reparti i Hemato-Onkologjisë në QKUK.
Pas përpjekjeve të shumta të doktorëve, sëmundja i është rikthyer, me ç’rast është udhëzuar nga doktorët për dërgim urgjent jashtë vendit për trajtim. Menari është dërguar në Stamboll të Turqisë në Spitalin EMSEY, ku pas ekzaminimeve shtesë është shtrirë për trajtim.
Mjekimi intensiv në të gjitha fazat kushton afër 212,500 €, ku Fondi i Sigurimeve Shëndetësore të Republikës së Kosovës ka lëshuar fletgarancionin për mbulimin e shumës 86,500€, të cilët i falënderojmë shumë.
Shumën prej 126,000 € që duhet ta sigurojmë, është e papërballueshme për familjen.
Duke shpresuar në ndihmën e Zotit të Plotëfuqishëm dhe vullnetin e mirë të njerëzve, po ju drejtohemi me këtë lutje të gjithëve të na ndihmoni për shërimin e Menarit, që t’ia mundësojmë t’i kthehet jetës, si bashkëmoshatarët e tij.
Ju falënderojmë secilin paraprakisht, Zoti ju dhashtë mirësitë e tij në familjet tuaja.
Bashkangjitur janë të gjitha dokumentet e djalit dhe konto bankare.