“Gazzetta dello Sport” raporton se Sandro Tonali ka pranuar se vinte baste në ndeshjet e Milanit kur ishte nën kontratë me klubin italian, por nuk ka luajtur në ato ndeshje.
Bazuar në këto deklarata, atëherë Tonali është pothuajse e sigurt se do të marrë një dënim më të gjatë se Nicolo Fagioli. Tonali ka folur me Prokurorinë e Torinos pasi ai është marrë në pyetje dy herë edhe nga prokurori i federatës italiane në lidhje me këtë çështje. Tonali pranoi kishte vënë baste në ndeshjet e Milanit.
Nëse kjo konfirmohet, 23-vjeçari nuk do të dyshohej për trukime ndeshjesh dhe shkelje të nenit 30 të Kodit të Sjelljes Sportive duke qenë se nuk ka ndikuar në një ndeshje apo një garë duke luajtur në ndeshjet e Milanit kur nuk kishte të drejtë për të luajtur.
Ashtu si mesfushori i Juventusit, Fagioli, edhe Tonali po u tregon autoriteteve gjithçka që di për rastin dhe ka kërkuar ndihmë për të trajtuar varësinë e tij nga bastet, gjë që u konfirmua nga agjenti i tij Beppe Riso.
Duke vepruar kështu, Tonali mund të negociojë një marrëveshje për pranimin e fajësisë me Prokurorinë e federatës, duke shpresuar që të reduktojë pezullimin e tij, por ka dallime me rastin e Fagiolit.
Fagioli mori një pezullim prej 12 muajsh, i cili është reduktuar në shtatë. Ndërsa, Tonali mund të suspendohet deri në tri vjet.
Tonali tani është pjesë e Newcastle.