Gërmadhat e fundit po largohen.
Shtëpia e familjes Nebiu e shkatërruar gjatë luftës, po rrënohet me këto mjete të rënda e të cilat janë aranzhuar nga Qeveria e Kosovës.
Në vendin ku ishin themelet e vjetra, pritet të ndërtohet shtëpia e re për këtë familje shqiptare, e cila është pakicë në Lagjen “Kroi i Vitakut” të Mitrovicës së Veriut.
E në pritje të ndërtimit të shtëpisë në këtë lagje është edhe Selime Avdyli e cila që nga paslufta jeton me qira në pjesën jugore të Mitrovicës.
Mes lotësh, Avdyli thotë se ka mall për shtëpinë ku qëndroi për 15 vite.
Betim Osmani i cili është banor i Lagjes “Kroi i Vitakut”, njëherësh edhe asamblist në Komunën e Mitrovicës se Veriut tregon se sa shtëpi do të rindërtohet në këtë vend.
Por vetëm ndërtimi i shtëpive, sipas zëvendëskryesuesit, në Kuvendin komunal të Mitrovicës së Veriut, Skënder Sadiku, nuk është i mjaftueshëm.
Në fund të muajit shtator, Qeveria e Kosovës ka marrë vendim për rindërtimin dhe renovimin shtëpive individuale për familjet të cilave u janë dëmtuar shtëpitë gjatë periudhës kohore 1998-1999.
