Mbrojtësi Stefan De Vrij pritet ta mbyllë karrierën me fanellën e skuadrës së Interit. Mediumet italiane kanë raportuar të mërkurën se holandezi ka arritur marrëveshje për rinovimin e kontratës aktuale që i skadon në vitin 2025.
Zyrtarizimi do të bëhet këtë muaj, ndërsa De Vrij do të jetë pjesë e Interit deri në verën e vitit 2027.
31-vjeçari është pjesë e Interit prej vitit 2018 dhe me këtë ekip ka fituar një titull kampioni të Italisë krahas trofeve tjerë.
Këtë edicion, De Vrij ka regjistruar tetë paraqitje për Interin dhe vlerësohet si lider i mbrojtjes. Para Interit, holandezi ka bërë karrierë edhe te skuadra e Lazios e Feyenoordit. Ka edhe 60 ndeshje dhe 3 gola të shënuar me Holandën.
