Lëvizja Hamas ka kërcënuar të vrasë një peng izraelit sa herë që Izraeli bombardon një shtëpi palestineze pa paralajmërim, ndërsa Izraeli mobilizoi rreth 300,000 rezervistë dhe vendosi një bllokadë totale të Rripit të Gazës duke u mohuar miliona banorëve të enklavës akses në ushqim, ujë dhe karburant.
Paralajmërimi nga Hamasi erdhi të hënën pasi numri i të vdekurve nga sulmi i papritur i fundjavës së grupit të armatosur u rrit në 900 në Izrael dhe sulmet hakmarrëse të forcave izraelite në Rripin e rrethuar të Gazës vranë më shumë se 700 njerëz dhe lanë mbi 3700 të plagosur, raporton Al Jazeera.
Blloqe banimi, spitale, shkolla dhe një xhami kanë qenë në mesin e vendeve të sulmuara nga avionët luftarakë izraelitë, artileria dhe dronët, sipas raportimeve të mediave dhe dëshmitarëve.
Zëdhënësi i Hamasit, Abu Ubaida kërcënoi të hënën se do të vriste izraelitët mes dhjetëra të mbajtur rob nga grupi i armatosur. Ai tha se një peng izraelit do të vritej për çdo bombardim izraelit të një shtëpie civile pa paralajmërim.
Ministri i Jashtëm izraelit Eli Cohen tha se më shumë se 100 njerëz u kapën rob nga Hamasi gjatë inkursionit vdekjeprurës ndërkufitar gjatë fundjavës.
