Përfundimisht, Arsenali ra nën presionin e Cityt, që u shpall kampion edhe pse kishte kaluar periudhën më të gjatë në krye të tabelës pa u kurorëzuar me titull. Arsenali është përgjigjur në mënyrë mbresëlënëse pas zhgënjimit të sezonit të kaluar. Mposhti Cityn në “Community Shield” në muajin gusht dhe futet në ndeshjen e së dielës me një pikë më pak se City, ekip që vetëm javën e kaluar pësoi humbjen e parë në Premier League pas gjashtë fitoreve rresht në po aq ndeshje të luajtura. U mposht nga Wolverhamptoni me rezultatin 2:1. Por shpresat e Arsenalit për të fituar titullin këtë sezon mund të varen nga rezultatet në ndeshjet direkte kundër Cityt. Arsenali humbi të tri ndeshjet e tij kundër ekipit të Pep Guardiolas sezonin e kaluar, dy herë në ligë dhe një herë në Kupën FA.
Rezultati i përgjithshëm ishte 8:2 në favor të Cityt. Këto gjashtë pikë të marra në dy ndeshjet e ligës ishin diferenca në garën për titull, pasi City përfundoi i pari me pesë pikë më shumë se Arsenali. Kjo është arsyeja pse fitorja e Arsenalit me penallti në “Community Shield” ishte aq simbolike dhe u festua me gëzim nga Mikel Arteta pasi i dha fund serisë prej tetë humbjeve kundër Cityt. City ka qenë edhe më dominues në ligë ndaj Arsenalit, pasi ka fituar 12 ndeshje radhazi, seri që daton që nga viti 2017. Arsenali nuk e ka mposhtur Cityn në asnjë ndeshje në “Emirates” që nga viti 2015. Pasi e filloi sezonin në formë fantastike duke fituar gjashtë ndeshjet e para në ligë, City pësoi dy humbje rresht, nga Newcastle në Kupën e Ligës dhe më pas nga Wolverhamptoni. Të mërkurën mbrëma iu rikthye fitores pasi e mposhti Leipzigun në Ligën e Kampionëve.
“Pas disa paraqitjeve dhe rezultateve të dobëta, ne jemi kthyer përsëri dhe shpresoj se do të vazhdojmë me fitore”, tha mbrojtësi i Cityt, Rico Lewis. “Ndeshja e së dielës është një mënyrë për të vënë një vulë në sezon dhe më të vërtetë të sigurohemi që pjesa tjetër e ligës e di se ne synojmë të bëjmë të njëjtën gjë si sezonin e kaluar”.
Kjo është një ambicie e guximshme, duke pasur parasysh se City po tenton këtë edicion ta mbrojë “tripletën” e edicionit të shkuar pasi triumfoi në Premier League, Champions dhe Kupën FA. City do të jetë pa mesfushorin Rodri, i cili është i suspenduar. Ndërsa Arsenalit pritet t’i mungojë Bukayo Saka për shkak të lëndimit që e pësoi ditë më parë.
Përfundimisht, Arsenali ra nën presionin e Cityt, që u shpall kampion edhe pse kishte kaluar periudhën më të gjatë në krye të tabelës pa u kurorëzuar me titull. Arsenali është përgjigjur në mënyrë mbresëlënëse pas zhgënjimit të sezonit të kaluar. Mposhti Cityn në “Community Shield” në muajin gusht dhe futet në ndeshjen e së dielës me një pikë më pak se City, ekip që vetëm javën e kaluar pësoi humbjen e parë në Premier League pas gjashtë fitoreve rresht në po aq ndeshje të luajtura. U mposht nga Wolverhamptoni me rezultatin 2:1. Por shpresat e Arsenalit për të fituar titullin këtë sezon mund të varen nga rezultatet në ndeshjet direkte kundër Cityt. Arsenali humbi të tri ndeshjet e tij kundër ekipit të Pep Guardiolas sezonin e kaluar, dy herë në ligë dhe një herë në Kupën FA.
Rezultati i përgjithshëm ishte 8:2 në favor të Cityt. Këto gjashtë pikë të marra në dy ndeshjet e ligës ishin diferenca në garën për titull, pasi City përfundoi i pari me pesë pikë më shumë se Arsenali. Kjo është arsyeja pse fitorja e Arsenalit me penallti në “Community Shield” ishte aq simbolike dhe u festua me gëzim nga Mikel Arteta pasi i dha fund serisë prej tetë humbjeve kundër Cityt. City ka qenë edhe më dominues në ligë ndaj Arsenalit, pasi ka fituar 12 ndeshje radhazi, seri që daton që nga viti 2017. Arsenali nuk e ka mposhtur Cityn në asnjë ndeshje në “Emirates” që nga viti 2015. Pasi e filloi sezonin në formë fantastike duke fituar gjashtë ndeshjet e para në ligë, City pësoi dy humbje rresht, nga Newcastle në Kupën e Ligës dhe më pas nga Wolverhamptoni. Të mërkurën mbrëma iu rikthye fitores pasi e mposhti Leipzigun në Ligën e Kampionëve.
“Pas disa paraqitjeve dhe rezultateve të dobëta, ne jemi kthyer përsëri dhe shpresoj se do të vazhdojmë me fitore”, tha mbrojtësi i Cityt, Rico Lewis. “Ndeshja e së dielës është një mënyrë për të vënë një vulë në sezon dhe më të vërtetë të sigurohemi që pjesa tjetër e ligës e di se ne synojmë të bëjmë të njëjtën gjë si sezonin e kaluar”.
Kjo është një ambicie e guximshme, duke pasur parasysh se City po tenton këtë edicion ta mbrojë “tripletën” e edicionit të shkuar pasi triumfoi në Premier League, Champions dhe Kupën FA. City do të jetë pa mesfushorin Rodri, i cili është i suspenduar. Ndërsa Arsenalit pritet t’i mungojë Bukayo Saka për shkak të lëndimit që e pësoi ditë më parë.