Goli vijon të jetë një problem tek Arsenal, ndaj drejtuesit e “gunners” janë në kërkim të një sulmuesi që të shënojë më shumë. Edhe pse trajneri Arteta tha se klubi nuk do të bëjë asnjë afrim në merkaton e janarit, situata duket ndryshe.
Mediat britanike konfirmojnë interesimin për sulmuesin e pezulluar Ivan Toney (Brentford) dhe jo vetëm.
Në shënjestër është edhe sulmuesi i Aston Villa, Ollie Watkins. Të dy janë sulmues që kanë përvojë e që po shkëlqejnë në Premier League prej vitesh.
Gjithsesi, për Arsenal nuk ka për të qenë aspak e lehtë të sigurojë një apo dy sulmues, pasi kërkesat financiare të klubeve përkatëse janë të larta. Për secilin nga lojtarët, Arsenal duhet të paguajë të paktën 50 milionë euro.