Kryeministri i Kosovës, Albin Kurti ka publikuar fotografi nga ceremonia e betimit të rekrutëve në kazermën “Skënderbeu” në Ferizaj, që u mbajt dje.
Kurti ka thënë se ushtrisë iu shtuan edhe 302 ushtarë të rinj, të aftë e të gatshëm për ta mbrojtur vendin.
“Ky është grupi i parë i rekrutëve nga gjithsej 612 ushtarë të rinj që do t’i bashkohen trupave të Forcës së Sigurisë së Kosovës, në kuadër të procesit të rekrutimit për këtë vit”, ka shkruar Kurti në Facebook.
Kurti ka thënë se që nga ardhja e tij në pushtet, në total ushtrisë i janë shtuar 1 mijë e 852 ushtarë.
“Për këto dy vite e gjysmë, duke përfshirë rekrutimin e sivjetëm, ushtrisë sonë i janë shtuar 1852 ushtarë aktivë më shumë — të aftë e të gatshëm për ta mbrojtur Republikën tonë”, ka shkruar tutje kryeministri./teve1.info/
