Rektori i Universitetit të Prishtinës, Qerim Qerimi sot priti në takim Grupin Punues të Këshillit Konsultativ për Komunitete.
Gjatë takimit, temat kryesore të diskutuara ishin regjistrimi i studentëve nga komunitetet jo-shumicë për vitin 2023/2024 dhe përfshirja e studentëve jo-shumicë në Parlamentin Studentor, thuhet në njoftimin Universitetit të Prishtinës në Facebook.
Qerimi, theksoi përkushtimin e universitetit për gjithëpërfshirje dhe mundësi të barabarta arsimore për të gjithë studentët.
‘Rektori Qerimi theksoi përkushtimin e universitetit për gjithëpërfshirje dhe mundësi të barabarta arsimore për të gjithë studentët. Përfaqësuesit nga universiteti dhe anëtarët e grupit punues ranë dakord të bashkëpunojnë në adresimin e aspekteve të ndryshme që do të ndikojnë pozitivisht tek studentët nga komunitetet jo-shumicë’’, thuhet në njoftim./teve1.info/
