Xhudistët e Kosovës kanë dominuar totalisht në Kampionatin Ballkanit që po mbahet në Pejë. Derisa të shtunën në garat individuale rrëmbyen hiq më pak se tetë medalje të arta. Po ashtu, fituan edhe shumë medalje të tjera të argjendta e të bronzta.
Në ditën e parë, të këtij kampionati të mbajtur në palestrën “Karagaçi” në Pejë, garuesit kosovarë ishin pothuajse të pa konkurrencë. Të dielën, në ditën e dytë, do të mbahen garat ekipore, ku Kosova sërish pritet të dominojë.
Nikoqire e këtij Kampionati Ballkanik është Kosova, ndërsa po marrin pjesë më shumë se 10 shtete si Shqipëria, Bosnjë e Hercegovina, Bullgaria, Qipro, Greqia, Moldavia, Mali i Zi, Maqedonia e Veriut, Rumania e Turqia.
