Kryetari i Kuvendit të Kosovës, Glauk Konjufca do të pres në takim ambasadorin jorezident të Kuvajtit në Kosovë, Faisal Al Musaileem.
Takimi sipas njoftimit të Kuvendit do të mbahet nga ora 11:00
Të martën presidentja , Vjosa Osmani ka pranuar letrat kredenciale nga ambasadori jorezident i Kuvajtit në Kosovë, Faisal Musaileem.
Me këtë rast, Osmani e ka uruar Musaileem për detyrën dhe ka shfaqur shpresën se gjatë mandatit të tij do të intensifikohen edhe më tej marrëdhëniet bilaterale në mes të dy vendeve, përcjell teve1.info
Në këtë takim, presidentja “shtroi nevojën e vazhdimit të mbështetjes edhe në të ardhmen nga ky shtet”.
Ndërkaq, ambasadori Musaileem, sipas njoftimit të Zyrës së Presidencës, shprehu interesimin për vazhdimin e mbështetjes për Kosovën në fusha të ndryshme dhe u zotua për bashkëpunim më të gjerë në fusha të ndryshme të interesit të përbashkët./teve1.info/
