Katër qytetarë kanë pësuar lëndime trupore si pasojë e një aksidenti të trafikut të ndodhur pas mesnatës në rrugën Prishtinë-Gjilan, raporton teve1.info
Sipas njoftimit të Policisë, deri tek aksidenti ka ardhur pas mospërshtatjes së shpejtësisë me kushtet e rrugës.
Të lënduarve u është ofruar tretman mjekësor kurse rasti është cilësuar si aksident me lëndime të rënda trupore.
“Veterrnik, rr. Nacionale Prishtinë-Gjilan 08.08.2023 – 02:59. Ka ndodhur aksident trafiku në mes tre veturave me drejtues meshkuj kosovarë. Deri te aksidenti dyshohet se ka ardhur për shkak të mos përshtatjes së shpejtësisë dhe kushteve të rrugës. Si pasojë e aksidentit lëndime të rënda trupore ka pësuar njëri nga drejtuesit e veturave, po ashtu lëndime trupore kanë pësuar edhe dy drejtuesi tjerë dhe një pasagjer. Të lënduarve iu është ofruar tretman mjekësor”, thuhet në komunikatën e Policisë.
