Punën e tyre si mësimdhënës e kishin të rregullt.
Por 160 mësimdhënësit ishin të angazhuar jashtë listës së pagave në vitin 2022 pasi që Komuna kishte tejkaluar numrin e aprovuar të pozitave të punës.
Kjo shkelje është evidentuar nga Zyra Kombëtare e Auditimit e cila ka bërë të ditur se asnjë organizatë buxhetore nuk mund të tejkalojë numrin e të punësuarve gjatë vitit fiskal.
“Komuna në vitin 2022 kishte angazhuar 160 punonjës jashtë listës së pagave, pasi që Komuna kishte tejkaluar numrin e aprovuar të pozitave të punës. Këta punonjës kishin pozita të rregullta në arsimin fillor, si dhe për zëvendësimin e punonjësve të arsimit, e të cilët ishin punësuar sipas procedurave që kërkohen me Ligjin për zyrtarë publikë”.
Nga Zyra Kombëtare e Auditimit kanë dhënë arsyet e tejkalimit të numrit të mësimdhënësve.
“Sipas Zyrës Kombëtare të Auditimit, kjo ka ndodhur për shkak se në arsim është shtuar numri i paraleleve më shumë sesa ishin në planin për regjistrimin e nxënësve në klasat e 10-ta për vitin shkollor 2021/2022, mungesa me arsye të mësimdhënësve dhe pushimet e lehonisë. Më tutje, mungesa e zyrtarëve në lisën e pagave është edhe për shkak se është tejkaluar numri i lejuar sipas Ligjit të Buxhetit”.
Por ndryshe po thonë në Komunën e Fushë Kosovës.
Sipas tyre asnjë nga këta punëtorë nuk ka punuar pa pagesë.
“Nuk kanë punuar pa pagesë, përderisa ne po themi që vitin e kaluar janë aprovuar 160 norma, në momentin që janë aprovuar janë procedurat e konkurrimit…”, tha Fatlum Berisha, Drejtor i Arsimit n Komunn e Fushë-Kosovës.
E madje sipas drejtori të arsimit në këtë komunë, gjetjet e auditorit ka mundësi që janë bërë në fazën fillestare.
“Unë mendoj që auditor duhet me konsulutu dhe me pa se në cilën faze e ka marrë informate, nëse e ka pa që në fazën e parë ne kemi 160 norma dhe në fazën e parë e ka pa që këta punëtorë nuk po paguhen, atëher ata nuk janë pagu se nuk kanë qenë në marrdhënie pune, pasi që afat kohor të ankesave…”, shtoi Berisha.
Kurse nga Vetëvendosje në Fushë Kosovë, punësimin e 160 mësimdhënëseve e quajnë keqmenaxhim të qeverisjes lokale.
Madje sipas asamblistit të Vetëvendosjes, Vlonjat Hasanit punësimi i tyre mund edhe të ketë pasoja buxhetore për Komunën e Fushë Kosovës.
