Kryetari i Kuvendit të Kosovës, Glauk Konjufca ka dërguar Ligjin për Këshillin Prokurorial në Komisionin e Venecias, për të marrë mendim.
Kjo është bërë e dituar nga Kuvendi i Kosovës të dielën përmes një komunikate.
“Në përputhje me përgjegjësitë e tij kushtetuese, kryetari i Kuvendit të Republikës së Kosovës, Glauk Konjufca, ka dërguar për mendim në Komisionin e Venecias Projektligjin për Ndryshimin dhe Plotësimin e Ligjit Nr. 06/L-056 për Këshillin Prokurorial të Kosovës. I njëjti është proceduar në Kuvend ditë më parë nga ana e Qeverisë së Republikës së Kosovës. Duke qenë se drafti ka pësuar ndryshime që nga vlerësimi i Komisionit të Venecias, kryetari Konjufca ka kërkuar opinion për projektligjin në tërësi, duke e konsideruar si vendimtare në arritjen e objektivit për reformim të Këshillit Prokurorial të Kosovës dhe adresimit të shqetësimeve dhe çështjeve të ngritura më parë”, thuhet në komunikatë, përcjell teve1.info
Qeveria e Kosovës më 13 korrik ka miratuar Ligjin e ri për Këshillin Prokurorial, pasi Gjykata Kushtetuese e kishte rrëzuar këtë ligj të miratuar më herët nga Qeveria.
Por edhe për ligjin e ri kishte reaguar Këshilli Prokurorial, duke thënë se miratimi i tij është bërë në mënyrë të njëanshme nga Qeveria.
