14 fëmijë nga komunitete të ndryshme të Janjevës kanë vizituar “Festivalin Ndërkombëtar të Animacionit, Anibar’’.
Sipas Ministrisë së Kulturës, në këtë festival fëmijët patën mundesinë të mësojnë më shumë për historinë e gjatë të kinemasë.
“Mejreme, Menar, Endrit, Samanta dhe bashkëmoshatarët e tyre patën mundësinë të takojnë fëmijë të tjerë nga Peja dhe morën pjesë në punëtorinë e animacionit “Rocks and Books” në arkivin e Institutit të Arteve Bashkëkohore të shkollës ‘Vaso Pashë Shkodrani’ në këtë qytet”.
Kjo vizitë ishte pjesë e projektit “Trashëgimia Kulturore si nxitëse e dialogut ndërmjet komuniteteve dhe kohezionit social”, bashkëpunim mes MKRS-së, European Union in Kosovo dhe UNDP Kosovo, i cili kishte për qëllim të ju mundësonte fëmijëve të Janjevёs të kalonin disa momente verore duke u argëtuar dhe mësuar përmes aktiviteteve të bazuara në kulturë./teve1.info./
