Ky është droni i cili shkatërron tanke e mjete të blinduar.
I njohur si Droni Bajraktar, ky mjet luftarak ndihmoi ushtarët ukrainas në luftën kundër Rusisë.
Të tillë, tash e tutje posedon edhe Ushtria e Kosovës.
Blerjen e tyre, e konfirmuan kryeministri i Kosovës Albin Kurti e ministri i Mbrojtjes Armend Mehaj.
Ndonëse nuk dihet numri i tyre, njohësi i sigurisë, Nuredin Ibishi e sheh si një arritje të rëndësishme për Qeverinë Kosovës.
“Kjo ngritë performancën mbrojtjes të Kosovës , më gjitha këto mjete luftarake defensive mbrojtëse, sepse nuk qëllime territoriale ndaj askujt. Pavarësisht çmimit, janë mjete moderne që vlerësohen shumë edhe me këto janë të pajisur vende e NATO-s”, tha Ibishi.
Një sukses për FSK-në, blerjen e këtyre dronëve e konsideron edhe ish koloneli i FSK, Afrim Veseli.
Por megjithatë ai e sheh të gabueshme ekspozimin e tyre nga ekzekutivi.
“Mendoj që është një gabim shumë i madh i politikës, në këtë rast i kryeministrit, që dha ato pamje të dronëve, pasi që armët nuk duhet të ekspozohen, shtetet demokratike,siç është vendi ynë, nuk duhet të ekspozohen armët, pasi kjo jep një mesazh”, deklaroi Veseli.
Kryeministri Kurti, i përgëzoi oficerët që kryen trajnimin për përdorimin e dronit Bayraktar. Por, ish-koloneli i FSK-së, tregon se si shkojnë përgatitjet kur Ushtria pajiset me mjete të reja luftarake.
Për detaje të tjera, Tëvë1, ka kërkuar intervistë nga zyrtarët e Ministrisë së Mbrotjejes mirëpo këta të fundit thanë se blerja e dronëve është kontratë e klasifikuar dhe më shumë se ajo çfarë kanë publikuar kryeministri dhe ministri nuk mund të deklarohen.
Me shpejtësi rreth 220 kilometra në orë, droni turk në qiell mund të fluturojë mbi 27 orë pa ndërprerë.
Përveç sulmeve të armatosura kanë për funksione kryesore misionet e inteligjencës, vëzhgimin dhe zbulimin.
