FC Suhareka është klubi më i ri i futbollit në qytetin e Suharekës. Kryetar i klubit është zgjedhur afaristi i njohur, Rrustem Alija
Klubi të shtunën mbrëma nëpërmjet një postimi në “Facebook”, njoftuan se në ambientet e skuadrës së A&N, ku të pranishëm ishin 30 delegatë, të gjithë votuan për emërtimin e ri nga A&N në FC Suhareka.
“Në ambientet e stadiumit “BOKA” në Korishë nën mbledhjen e jashtëzakonshme të KF A&N u mbajt kuvendi ku të pranishëm ishin mbi 30 delegatë dhe përfaqësues të klubeve , ku të gjithë njëzëri me duar të ngritura votuan me absolut votash PRO rendit të ditës që ishte vendosja e emërtimit të ri të klubit FC Suhareka”, shkruhet në njoftimin e FC Suharekës.
Gjithashtu klubi ka bërë të ditur edhe bordin drejtues dhe udhëheqësit e tjerë të klubit të cilët janë deklaruar edhe zyrtarisht pjesë të klubit.
“Gjithashtu me vota absolute PRO u zgjodhën këta emra drejtues ; Kryetar i klubit; 𝘇.𝗥𝗿𝘂𝘀𝘁𝗲𝗺 𝗔𝗹𝗶𝗮𝗷. Kryesia e klubit me pronarët; 𝘇.𝗙𝗮𝗱𝗶𝗹 𝗕𝘆𝘁𝘆𝗾𝗶, 𝘇.𝗝𝗲𝘁𝗺𝗶𝗿 𝗕𝘆𝘁𝘆𝗾𝗶, 𝘇.𝗘𝗱𝗶 𝗕𝗲𝗿𝗶𝘀𝗵𝗮, 𝘇.𝗔𝗱𝗿𝗶𝗮𝗻 𝗛𝗼𝘅𝗵𝗮𝗷, 𝘇.𝗔𝘃𝗻𝗶 𝗔𝗹𝗶𝗮j”, vazhdoi tutje, me klubin që paralajmëruan edhe transfere me nam në futbollin kosovar:
“Gjithashtu ju njoftojmë që përgaditja e skuadrës po vazhdon në mënyrë intenzive me kompletimin e staffit adminsitrativ , teknik dhe me kompletimin e skuadrës me futbollistët cilësor”, shkruan në njoftimin e Suharekës.
Trajner i Suharekës do të jetë Granit Begolli, me këtë të fundit që ka arritur marrëveshje me klubin e ri të formuar në futbollin kosovar.