Ka humbur jetën burri i cili ishte duke u trajtuar në QKUK, për shkak të lëndimeve që kishe pësuar nga goditja e veturës në oborrin e shtëpisë së tij.
Vdekjen e viktimës e ka konstatuar mjeku kujdestar, derisa me urdhër të prokurorit trupi i pajetë i viktimës është dërguar në IML për obduksion.
Policia e Kosovës thotë se rasti ka ndodhur në fshatin Zhur të Prizrenit.
“LËNDIM AKSIDENTAL Fsh. Zhur, Prizren 05.06.2023 – 18:30. Është raportuar se me datën 09.06.2023 rreth orës 13:30 viktima mashkull kosovar i cili kishte qenë duke u trajtuar në QKUK për shkak të lëndimeve që kishte pësuar nga goditja e veturës në oborrin e shtëpisë së tij, ka ndërruar jetë. Vdekjen e të cilit e ka konstatuar mjeku. Me urdhër të prokurorit trupi i pajetë i viktimës është dërguar në IML për obduksion”, thuhet në njoftimin e Policisë. /teve1.info/
