Policia e Kosovës ka bërë kërkesë për bashkëpunim me qytetarët e Kosovës për gjetjen dhe identifikimin e dy personave, të cilët dyshohet se kanë kryer disa vjedhje.
PK ka bërë të ditur se me qëllim të lokalizimit të personave të dyshuar bazuar në autorizimin e Prokurorisë Themelore në Gjakovë ka publikuar fotografitë e personave të dyshuar.
Personat dyshohen për vjedhje të rënda të ndodhura në fshatin Turjakë në Malishvë.
“Në lidhje me rastin deri më tani nuk është arritur të bëhet identifikimi i identitetit të të dyshuarve, edhe përkundër angazhimeve të shumta hetimore dhe operative nga ana e Njësisë së Hetimeve në kuadër të Stacioni Policor në Malishevë, dhe njësiteve tjera në kuadër të Drejtorisë Rajonale të Policisë në Gjakovë”, thuhet në njoftimin e Policisë së Kosovës.
PK kërkon nga qytetarët e Kosovës që kushdo që ka informacion për identitetin dhe vendndodhjen eventuale të të dyshuarve të paraqitur në fotografinë e bashkangjitur, të lajmërojnë Policinë e Kosovës.
“Policia e Kosovës kërkon nga qytetarët e Republikës së Kosovës që kushdo që ka informacion për identitetin dhe vendndodhjen eventuale të të dyshuarve të paraqitur në fotografinë e bashkangjitur, të lajmërojnë Policinë e Kosovës, stacionin më të afërt policor, apo përmes aplikacionit digjital ‘’Lajmëro Policinë ‘’ dhe në numrat kujdestarë: 192 (pa pagesë) dhe 0390310482 (Drejtoria Rajonale e Policisë në Gjakovë)”, thuhet në raport.
