Këshilli për Mbrojtjen e të Drejtave dhe Lirive të Njeriut vlerëson se Qendra e Ndalimit në Prishtinë, nuk i plotëson as kushtet elementare për t’i mbajtur personat e burgosur.
“Qendra e Ndalimit në Prishtinë si objekt nuk i plotëson kushtet as elementare për të mbajtur persona të privuar nga liria por as për stafin i cili është i angazhuar. Aty mungon ndriçimi natyral, për shkak se është podrum dhe nuk ka ajrosje. Kjo e bënë më të vështirë për personat të cilët janë në qëndrim deri në 48 orë në këtë Qendër, por edhe për stafin e angazhuar” – thuhet në njoftim.
KMDLNJ tutje thekson se gjatë takimit me të ndaluarit, ata nuk patën pakënaqësi.
“Gjatë takimit me të ndaluarit, u shprehen të kënaqur me sjelljet e stafit të Qendrës së Ndalimit në Prishtinë. Ata na pohuan se janë njoftuar me të gjitha të drejtat që u takojnë, dhe të njëjtit nuk patën asnjë vërejtje as për sjelljen e Policisë së Kosovës që nga momenti i arrestimit, transportit apo dhe intervistimit” – thuhet tutje në komunikatë