Kryetari i Partisë Demokratike të Shqipërisë, Sali Berisha ka reaguar pas numërimit të votave në shumicën e Bashkive ku koalicioni “Bashkw Fitojmë” me Ilir Metën ka humbur në shumicën e tyre.
Berisha ka thënë se ka pasur blerje të votave duke e vlerësuar një ditë të rëndë për demokracinë.
“Kjo është një ditë e vështirë, e rëndë për liritë dhe të drejtat e qytetarëve shqiptar. Është një moment agonie për vlerat demokratike në vend. Unë jam këtu për të dënuar me forcën më të madhe këtë farsë elektorale e karakterizuar nga alfa dhe omega të krimit elektoral dhe ordiner. Jam këtu për të bërë thirrje të gjithë përfaqësuesve të opozitës në komisionet e numërimit të vazhdojnë detyrën me përkushtim pasi është në parimin dhe qëllimin tinë të bëjmë gjithçka për mbrojtjen e votës së qytetarëve shqiptarë”, ka thënë ai në një deklarim për media.
Berisha ka dënuar dhunë ndaj disa komisonerëve duke thënë se kjo është bërë për të ndryshuar rezultatin.
“Dënoj me forcë dhunën e përdorur në Kurbin ndaj një komisioneri për faktin që duhet me çdo kusht që duhet të ndryshojnë rezultatin siç kanë bërë në shumë bashki të vendit. Shpreh solidaritetin me komisionerin Ismail Ismaili dhe të gjithë që janë në të njëjtat kushte.”- tha Berisha./teve1.info/