Sulmuesi i Kosovës, Milot Rashica ka thyer heshtjen se ku dëshiron të luajë në të ardhmen.
Ylli i Kosovës i cili hyri në radarin e transferimeve të disa klubeve që synonin të dilnin kampion në Turqi, si dhe të Burnleyt nga Anglia, ka konfirmuar se prioritet i tij është të qëndrojë te Galatasaray.
Vushtrriasi që kaloi te Galatasaray nga Norwich City në ditën e fundit të afati kalimtar, arriti të fitojë në një kohë të shkurtër admirimin si të ekipit teknik, ashtu edhe të tifozëve verdhekuq.
Futbollisti 26-vjeçar, i cili thuajse rilindi pas zhgënjimit në Angli me paraqitjen e tij në Galatasaray, papritur u bë i preferuari i shumë klubeve që duan transferimin e tij.
Klubi anglez Burnley së fundmi ka kontaktuar Norwich për të marrë iformacione mbi situatën e Rashicës.
Më pas ka rezultuar se disa klube që synojnë të dalin kampion në Turqi kanë kontaktuar me menaxherin e yllit kosovar dhe kanë tentuar të mësojnë për të.
Megjithatë, Rashica është shumë i kënaqur te Galatasaray dhe ka dërguar një mesazh për klubin e Norwich dhe menaxherin e tij se po qëndron i lumtur të ekipi turk, Galatasaray.
“Jam shumë i lumtur këtu. Jemi të fokusuar në kampionat dhe dua të kontribuoj për ekipin tim në nivelin më të lartë”.
Rashica tutje u shpreh se dëshiron të arrijë një marrëveshje me ekipin turk.
“Prioriteti im është të qëndroj në Galatasaray. Nuk dua të vlerësoj ofertat e tjera për momentin dhe do doja një marrëveshje me Galatasaray”, ka thënë Rashica.
Drejtuesit e klubit nga Stambolli po tentojnë të sjellin Rashicës në klub pa pritur përfundimin e sezonit.
Mësohet se shifra e llogaritur e transferimit është rreth pesë milionë euro.
