Analisti amerikan, Edward Joseph, e ka komentuar vendimin e marrë sot nga Komiteti Ministror i Evropës që t’ia përcjellë Asamblesë Parlamentare të Këshilli të Evropës kërkesën për anëtarësimin e Kosovës në KiE.
Joseph, ka thënë se vota pro anëtarësimit të Kosovës i afron serbët drejt Asociacionit, që e ka quajtur të shumëkërkuar.
“Votimi i KiE-së nxit perspektivat për formimin e Asociacionit të komunave me shumicë serbe. Implementimi (i Asociacionit) do ta bëjë të pashmangshëm anëtarësimin e Kosovës në KiE, duke u dhënë serbëve qasje në Gjykatën Evropiane për të Drejtat e Njeriut. Si dhe, liberalizimi i vizave më në fund do t’u mundësojë serbëve lëvizje të lirë në BE”, ka shkruar ligjëruesi në Universitetin “John Hopkins” në Twitter.
Ai ka thënë se Beogradi do të duhet ta festojë votën pro në KiE, në vend se t’i sabotojë zgjedhjet në veri të vendit.
“Beogradi do të duhej ta festojë votën pro në KiE dhe liberalizimin e vizave, në vend se t’i sabotojë zgjedhjet në veri të Kosovës. Në fund të fundit, serbët e Kosovës janë përfituesit më të mëdhenj”, ka vlerësuar ai.
Të hënën Komitetit i Ministrave ka votuar në favor të aplikimit të Kosovës në këtë organizatë. Kosova ka aplikuar për anëtarësim në Këshillin e Evropës më 12 maj 2022. /teve1.info/
Because the welfare of Kosovo Serbs is clearly the ‘top priority’ for @avucic, Belgrade should be celebrating breakthrough CoE vote & EU visa liberalization – instead of sabotaged elections in north of Kosovo. After all, Kosovo Serbs are the biggest beneficiary: 1/5 🧵 https://t.co/luUbKYLVE7
— Edward P. Joseph (@edwardpjoseph) April 24, 2023
