Fikayo Tomori u largua nga Chelsea në dimrin e vitit 2021 ndërsa u transferua te Milani në Serie A.
Me skuadrën “rossonere”, reprezentuesi anglez ka pasur paraqitje shumë të mira të cilat kanë marrë vëmendjen e disa klubeve evropiane.
“Daily Mail” ka shkruar të shtunën se për qendërmbrojtësin anglez, interesim kanë shprehur Manchester Unitedi dhe Tottenhami.
Tomori ka edhe katër vjet kontratë me Milanin, dhe sipas informatave të mediave të huaja, skuadra italiane kërkon shumë para për shërbimet e tij.
Tomori ka qenë vendimtar në sukseset e Milanit, që u kualifikua në gjysmëfinale të Ligës së Kampionëve.
Tek Anglia, 25-vjeçari Tomori nuk ka pasur shumë hapësirë. Ka zhvilluar vetëm tri paraqitje.
