Gjatë javës së kaluar janë raportuar gjashtë raste të dhunës në familje, ku prej tyre katër janë raportuar në Ferizaj, një në Shtime dhe një rast në Shtërpcë, kështu ka bërë të ditur Drejtoria Rajonale e Policisë në Ferizaj.
Me vendim nga Prokuroria Themelore në Ferizaj, tre persona janë ndaluar në mbajtje dhe tre të tjerë janë liruar në procedurë të rregullt hetimore.
“Policia apelon tek qytetarët që të raportojnë rastet e dhunës në familje dhe fton qytetarët që të bashkëpunojnë më policinë. Për të gjitha rastet e dhunës në familje të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406”, thuhet në njoftimin e Policisë së Kosovës.
PK ka bërë të ditur se të dhënat do të ruhen në konfidencialitet të plotë. /teve1.info/
