Emisari i BE-së, Miroslav Lajçak ka zhvilluar një takim në Bruksel me këshilltarin e Departamentit të Shtetit të ShBA-së, Derek Chollet.
Në këtë takim Lajçak tha që e informoi Chollet për takimin e sotëm mes kryenegociatorëve, Bislimi dhe Petkoviq.
Po ashtu u dakorduan për rëndësinë e zbatimit të menjëhershëm të marrëveshjes Kosovë-Serbi.
“Mirë të diskutosh për zhvillimet e fundit në Ballkanin Perëndimor me këshilltarin e DASh-it Derek Chollet në Bruksel. E informova për Dialogun dhe takimin e sotëm të kryenegociatorëve. Ne ramë dakord për nevojën e zbatimit të menjëhershëm në mirëbesim”, ka shkruar Lajçak në Twitter.