Në seancën e jashtëzakonshme të Kuvendit, Kurti tha se njëri nga faktorët e kësaj është keqkuptimi, raporton teve1.info.
“Ajo çfarë po përgjigjem tash, e më vonë do të flasë për çështjen e çmimeve është se eksportimi i energjisë që u tha për muajt janar dhe shkurt, janë tre faktorë, njëri prej të cilëve është keqkuptim dhe po ia filloj prej këtij. Faktori i parë është tranziti i energjisë. Tranziti i energjisë nuk është eksport. Kur Serbia i shet energji Shqipërisë ose anasjelltas; kur Maqedonia e Veriut i shet energji Malit të Zi ose anasjelltas, ajo kalon nëpër Kosovë, hyn e del, por ajo që del nuk është eksport. Prandaj duhet të kemi kujdes që të mos e keqkuptojmë”, tha Kurti.
Ujamani eksporton energji elektrike me çmim të lirë në bazë të disa kontratave, tregoi kreu i Qeverisë.
“Faktori i dytë është që Ujmani ka kontrata afatgjata të eksportit të energjisë. Me 38 euro e shet një megavat orë, por ne i kemi gjetë ato kontrata… Ujmani eksporton se e ka obligim kontraktual shitjen kaq të lirë në një krizë energjetike”, tha ai.
Sipas Kurtit, faktor i tretë është edhe “teprica e energjisë elektrike”, pas mesnatës, “sidomos në orën 3,4 dhe 5 pas mesnatës”.
Gjatë kësaj kohe prodhimi është më i lartë sesa konsumi , si dhe energjia elektrike në këtë kohë është e natyrshme të eksportohet, tha Kurti.
“Çka me i bë kësaj energjie? Me ia dhënë KOSTT-it? Çfarë i vyen KOSTT-it. Tepricën natyrisht që e eksporton”, u shpreh ai.
