Kryeministri Albin Kurti ka vizituar shtëpinë-muze të Ferdonije Qerkezit, së cilës në këtë datë 24 vjet më parë forcat serbe ia rrëmbyen katër djemtë, bashkëshortin dhe nipin.
“Në shtëpinë-muze të familjes Qerkezi, na priti Nëna Ferdonije. Me forcën e dashurisë së nënës, ajo qëndron bashkë me dhembjen që nuk zvogëlohet”, shkroi Kurti.
ADVERTISEMENT
Pas saj Kurti ka shkuar dhe ka bërë homazhe në lagjen Dardania në Pejë, atje ku u vranë dhe masakruan 40 civilë shqiptarë.
“Këto vrasje dhe zhdukje me dhunë gjatë luftës ishin pjesë e “Patkoit”, projektit serbomadh për shfarosjen e popullsisë shqiptare në Kosovë. Këto krime janë dëshmia e madhe e gjenocidit të Serbisë në Kosovë”, ka shkruar ai.
